تجربة السنة الثالثة 1441هـ-2020م
 |
انتهى النصف الأول من مسيرتنا، كتبنا لكم فيها حروفنا ونحن على أول عتبات أحلامنا ، تشاركنا الأفكار وعرضنا بعض تجاربنا وافكارنا لنبحر سويًا في عالم الطب
هدِفنا سويًا كطلاب وطالبات لننقل لكم تجربة فعلية تحمل خلاصة جهدنا كل عام
وها هي تجربتنا للسنة الثالثة بكلية الطب.. نسأل الله أن تجدوا فيها ما ينفعكم.
بسم الله نبدأ :
المديول هذا يعتبر بداية التعمق في دراسة الطب وتفاصيل جسم الانسان مديول حلو جداً للي يحبون الاناتومي لان ٧٠٪منه معتمد على الاناتومي ، اما بالنسبه لصعوبة المادة او سهولتها ، فالمديول هذا يعتبر (سهل ممتنع) اكيد قد سمعتو عن ذي الجملة وفاهمين معناها
هذا المديول سهل جداً للي يذاكر المحاضرات اول بأول بدايةً من المحاضرة الاولى ، وف نفس الوقت المديول صعب جداً للي يهمل المذاكرة وتتراكم عليه راح يدخل في دوامه ويوصل مرحلة انه مو مستوعب الدكتور وش يقول.
مدة المديول ٥ اسابيع ويعتبر مديول مو مضغوط والدوام فيه مريح.
عدد ساعات المديول : ٥ ساعات.
عدد المحاضرات : ٥٦.
كان فيه ١٣ معمل وزيارة واحدة وأكيد زي كل مديول فيه PBL و SDL و Seminar
كان تقسيم الدرجات حلو ومتنوع وماكان فيه ضغط ابداً في الاكتيڤيتيز, منسق المادة كان متعاون جداً الله يسعده وماحسسنا بأي ضغوطات.
بالمجمل التقييم النهائي للمديول بشكل عام من اغلب الطلاب افضل مديول واسهل مديول فالسميستر.
 |
ماعرف كيف ابدأ الصراحة بس المديول هذا اختلفو عليه الكل بين اللي عجبهم وبين اللي يقولون انه ممل
بحكم ان محاضراته ماخذه طابع الكلينيكال اكثر من البيزك يعني بشكل اوضح مافي اناتومي وفسيولوجي ، ف كان مديول غريب علينا وجديد في نفس الوقت.
عدد ساعات المديول : 4 ساعات.
من ناحية أهمية المحتوى ف يعتبر من اهم المديولات فيه معلومات مهمة جداً وتعتبر معلوماته قواعد اساساية لك كطبيب فالمستقبل وتعتمد على الفهم اكثر من الحفظ ، محاضرات البايوكيمستري كانت ثقيلة نوعاً ما وكثيرة وهي اللي مصعبه المادة لان يعتبر باقي المحتوى سهل جداً.
عدد المحاضرات ٤٨ مدة المديول ٣ اسابيع ، علماً ان السنوات اللي قبل اخذوها في ٤ اسابيع بس احنا كان لازم عليهم يضغطون المديول بحكم ان الترم كان قصير جداً
المديول مافيه ولا براكتيكل فيه سكيل لاب واحد بس وأهم سكيل لاب ممكن تدخله ف حياتك لان الاوسبي كله كان منه بالأصح (تغيب تروح عليك ٢٠ درجة)
الكويز كان سهل ومحاضرات قليلة انبسطنا فيه
الاوسبي كان فيه اسئلة جايه بلفات ويبيلك تنام ٢٠ ساعة قبل تدخله وانت فل تركيز
بالنسبة للفاينال ف كان اغلبه من المحاضرات اللي بعد الكويز بنسبة ٧٠٪ وكان فيه اسئلة كثير من محاضرة الدكتور جميل Lactose intolerance وكلها سهله ف لاتضيعون المحاضرة وذاكروها كويس
التقييم بشكل عام للمديول : يعتبر اسوء مديول مقارنةً بالمديولات الثانية في هذا السميستر وفيه لخبطه كثير ف لازم تشيكون على لابات ومحاضرات الشطرين لأن كان فيه اسئلة كثييير جايه من البنات وما انشرحت للعيال وكذلك اسئلة جايه من العيال ما انشرحت للبنات.
 |
مديول الجهاز الهضمي عدد ساعاته 4 ساعات، كان كويس ومعلوماته حلوه، ولكن يحتاج تركيز ودراسة أول بأول
درسنا فيه 53 محاضرة بخمسة أسابيع، أغلب المحاضرات كانت لمادة الفسيولوجي وهالشيء كان حلو بالنسبة لنا لتميز أعضاء هيئة التدريس بقسم الفسيولوجي، فبسطوا الموضوع وكانت المعلومات لذيذة، اما الاناتومي والباثولوجي فكان عدد محاضراتها متساوي تقريبًا.. ..
اما المعامل فكان 40% منها لمادة الاناتومي ، كان فيها تفاصيل كثير ولكنها واضحة ومافيها أي غموض.. محاضرات الامبريولوجي ما تقل أهمية عن لابات الاناتومي، لأن اسئلتهم بالاوسبي كانت مترابطة.. بقية المعامل كانت سهلة ومهم جدًا تركزون على لاب الراديولوجي وتشوفون عدة صور لأن جاء ستيشن منه
بالنسبة للكويز كان سهل بس محاضراته كانت كثيرة ومارضوا منسقين المديول يقللون منها
ممكن اكثر شيء ضغطنا بهالمديول هو وجود بعض الكويزات للمواد العامة فيه، فكان الموضوع مقلق نوعًا ما ولكن مع تنظيم الوقت بتقدرون تحققون الدرجات اللي تبونها فيها كلها
ركزوا على محاضرات الفارما بالاختبار النظري النهائي لأن كان فيه أسئلة كثيرة منها
 |
هالمديول كان من أخف من المديولات وعدد ساعاته 4 ساعات، عدد المحاضرات معقول جداً مقابل عدد الأسابيع.. 35 محاضرة بأربعة أسابيع. محاضرات الاناتومي فيه قليلة جدًا وواضحة وبسيطة، الفسيولوجي كان له النصيب الأكبر من عدد المحاضرات ويتلوه الباثولوجي.. مهم جدًا تدرسون محاضرات الفسيولوجي أول بأول لأنها مترابطة وتحتاج تركيز
كان فيه زيارة لمختبر مستشفى العقيق، ووحدة غسيل الكلى.. حاولوا ما تفوتكم لأنها كانت مفيدة جدًا
اما بخصوص الفاينل.. فالجزء النظري كانت اسئلته معقولة بشكل عام وبيكون عندكم فرصة تذاكرونها مضبوط لأن نصها مو جديد عليكم ودرستوه بالكويز. لا تفكرون ابداً تتجاهلون محاضرة المايكرو لأن جاء منها أسئلة كثير مستواها صعب وكثير خبصوا فيها..
والأوسبي سهل وواضح وكله من المعامل اللي درسناها خلال المديول، ولكن مهم تذاكرون الجزء النظري من المحاضرات المتعلقة بالمعامل
 |
| |
المديول فيه عشر محاضرات ويحتاج حفظ، كان مطلوب منا فيه أكثر من بحث وتتوريال
الكويز كان حلو بس الفاينل يحتاج تركيز ومذاكرة زين وكان فيه اسئلة جايه من محاضرات طرق البحث 1 اللي أخذناه في سنة ثاني.
 |
مديولات الدكتور حسام الغنية عن التعريف ، مديول خفيف لطيف تقدر تضمن فيه الA+ بسهولة
المديول يعتبر من المديولات ال Longitudinal وطبقو ذا الشي مع دفعتنا بس ، في السابق كان مديول مدته اسبوع وماعرف لو بيستمرون على نفس النظام او بيعتمدون النظام اللي طبقوه مع دفعتنا ، محاضراته سهله انصح الكل بالحضور يعني لحد يغتر بسهولة المحاضرات ، الحضور يوفر عليك وقت كثير ف المذاكرة للاختبار وبتقدر تفهم المصطلحات الاكاديمية اللي تعتبر صعبة شوي ، اما لو غبت عشان تروح تفطر بيضيع منك وقت كثير ف المذاكرة للاختبار وبتطفش وبتتعقد من صعوبة اللغة الموجودة ف السلايدات يعني (الحضور مهم عشان تفهم وش مكتوب ف السلايدات) كان فيه زيارة وطلبونا تقرير عنها ف ضروري اذا رحتو تصورون كل الاجهزة والاشياء اللي تنشرح لكم من الدكاتره
التقييم بشكل عام ، مديول حلو وممتع وتقدر تضمن فيه درجات حلوه
 |
| |
يحتوي هذا المستوى على أكبر عدد في الساعات خلال سنوات الكلية، ٢٠ ساعة.
ونظرًا للظروف التي حصلت، كان أخف ترم بالكلية، لذلك تجربة هذا الترم لن تتكرر مره أخرى ماعدا أول موديول "الجهاز العصبي والحواس". |
 |
عدد الأسابيع ٥ وعدد الساعات 6، من أجمل وأمتع المقررات، موديول ممتع، ممتع، ممتع بالرغم من كثرة عدد المحاضرات فيه، كان عدد المحاضرات ٨٩ محاضرة.
أجمل مافيه ان المحاضرات كانت جميعها مترابطة وبسيطة، النصيب الأكبر من المحاضرات كان للأناتومي والفيسيولوجي، بالنسبة للأناتومي شرح ومحاضرات د. رانيا كان كافي جدًا وكنت أرجع لمحاضرات البنين عند المراجعة وان كان هناك اختلاف او معلومات اضافية، أيضًا ساعدني كتابCrossman Neuroanatomy في المذاكرة، الكتاب كان بسيط ومختصر وفيه كل ما احتاجه.
أما الفيسيولوجي لا يخفى عليكم شرح د.هند، للأمانه شرحها اختصر علينا الكثير، لكن أحيانًا كنت أرجع لـ Guyton and hall في بعض المحاضرات.
بالنسبة لبقية المحاضرات اكتفيت بالسلايدات فقط.
الكويز كان عليه ١٥ درجة، كانت الاسئلة فيه مباشرة وواضحة ماعدا سؤال واحد اًُختِلف فيه.
العملي كان ١٦ لاب تقسمت كالآتي : ٦ أناتومي، ٢ فيسيولوجي، ٢ هيستولوجي، ٢ باثولوجي، ١ مايكرو، ١ فارما، ٢ سكل لابز.
الأوسبي كان كالمعتاد، سهل ولم يكن هناك أي اختلافات فيه والنتائج كانت مرضية.
الاختبار النهائي كذلك، كانت الاسئلة فيه متنوعة منها الصعب ومنها السهل المباشر.
توزيع الدرجات كان : ٤٠٪ على اعمال السنة، ٢٠٪ على الاختبار العملي، ٤٠٪ على الاختبار النهائي.
لكن مع نهاية السنة تم تغيير التوزيع ليصبح كبقية الموديولات، ٨٠٪ أعمال السنة مع الاختبار العملي، ٢٠٪ على الاختبار النهائي.
ذاكروا أولًا بأول لأن فترة الموديول كانت قصيرة بالنسبة لعدد محاضراته، لكن جميع المحاضرات ممتعة وبسيطة.
 |
كان عدد المحاضرات مايقارب ٤٧ محاضرة لأربع أسابيع، مع بداية الجائحة أصبحت ٣٣ محاضرة في أسبوعين. أغلب المحاضرات كانت فيسيولوجي، الموديول بشكل عام سهل لكن يحتاج للفهم والتركيز، من وجهة نظري كان سيكون أفضل لولا الظروف التي حصلت، فكان هناك عدة اختلافات ومشاكل في الكويز، وغالبية الأسئلة كانت Cases. |
 |
أقصر موديول تم أخذ محاضراته في ٣ أيام فقط، عدد المحاضرات كانت ٧ محاضرات و٤ SDLs كانت عوضًا عن المواضيع المهمة التي لم تُشرح، الموديول كان لطيف جدًا ومنسق الموديول كان متعاون، أخذنا المواضيع بشكل سطحي جدًا، بالنسبة للكويز كان جدًا سهل ومن سلايدات المحاضرات، اما بالنسبة للاختبار النهائي فكان يشمل المحاضرات وأيضًا الـ SDLs بالإضافة الى موضوع Wound healing قال لنا الدكتور ابحثوا عنه، الاختبار النهائي كان ٨٥٪ من الاختبار سهل وواضح، لكن كان هناك بعض الاسئلة الخارجية والغير واضحة للأسف من احدى المحاضرات و الـ Wound healing برغم بحثنا عن الموضوع.
لم يكن هناك اختبار عملي.
 |
الموديول كان يحتوي على ٢٠ محاضرة وعدد ساعاته ٥ أخذناها في اسبوع مقسمة كالآتي :
٥ باثولوجي، ٣ اناتومي، ٣ امبريو، ٣ فيسيولوجي، ٢ هيستولوجي، ١ مايكرو، ١ بارا، ١ فارما.
بشكل عام الموديول كان خفيف ومختصر، منسقي الموديول كانوا متعاونين ولطيفين، الاختبارات جميعها كانت واضحة ولا يوجد مشاكل فيها حتى الاختبار العملي.
 |
موديول ممتع لمن يهتم بالقراءة في سلوك الانسان، عدد المحاضرات كانت ١٣ محاضرة كلها تم شرحها من قبل د.أحمد الأبوابي. اختبرنا كويزين، الأول كان في الجامعة وكان سهل وبسيط لكن هناك كم سؤال من الشرح لم يكُن موجود بالسلايدات، الكويز الثاني كان على رافد أيضًا سهل وبسيط ومن السلايدات والشرح. الاختبار النهائي كان سهل أيضًا. |
 |
واحد من أهم وأمتع الموديولات لولا ظروف كورونا، موديول متعدد المحاضرات من جميع التخصصات يحتوي على ١٢ محاضرة، يهتم بكيفية التعامل مع حالات الطوارئ كالانعاش القلبي الرئوي، والاختناق، والحروق وغيرها. اختبرنا كويز في الجامعة كان فقط في محاضرات الـ Basic life support، الكويز كان سهل جدًا، كانت هناك اسئلة في موقع جمعية القلب السعودية مهمة جدًا ركزوا عليها. شُرحت لنا السكل لابز على هيئة فيديوهات وكان الاختبار العملي عبارة عن صور منها وأيضًا كم سؤال من المحاضرات. بالنسبة للاختبار النهائي كان سهل ولا يوجد هناك اختلافات فيه. |
 |
موديول مليئ بالحسابات، عدد محاضراته كانت ١٢، يحتاج فهم وتركيز ومذاكرة أول بأول، السلايدات كافية لكن ساعدني في الفهم كتابين، الأولFundamental of Biostatistic وأيضًا Biostatistics for dummies by Wiley Brand. بالنسبة للاختبارات كانت غير تعجيزية او صعبة، سهلة لكن يحتاج لها مذاكرة وتركيز. هنا نحن وانتم ومن بعدكم سنضع ثمار جهدنا جعلها الله علما نافعًا ينفعنا وآياكم جميع الكتب المذكورة في التدوينة تجدونها في درايف دفعتنا. أحمد اليحيى أغنار الزهراني أمل محمد |
ما قصرتو الله يجزاكم بالخير