تجربة السنة الاولى – شطر الطلاب
يوليو 05
تجربة السنة الاولى – شطر الطلاب
 |
محتويات الموضوع:
1. التسجيل والقبول.
3. الترم الثاني.
4.
الختام .
التسجيل والقبول
التسجيل والقبول: شروط القبول في كلية الطب بجامعة الباحة تعتمد على النسبة الثلاثية الموزونة , أي درجات الطالب في الاختبار التحصيلي واختبار القدرات ونسبة الثانوية العامة بالمعايير التالية:
- درجة الاختبار التحصيلي 40%
- درجة إختبار القدرات العامة 30%
- نسبة الثانوية العامة 30%
ويجب أن لاتقل النسبة الثلاثية الموزونة عن 86% لكي تدخل مرحلة المنافسة على المقاعد والتي يتراوح عددها من 60 الى 50 مقعد للطلاب , ومن 40 الى 30 مقعد للطالبات , مع العلم أنه كل سنة تتوقف النسبة عند رقم معين ,
كمثال: دفعة 1438توقفت النسبة للطلاب 88.7 وكان عدد المقاعد 50 مقعد , أما بالنسبة للطالبات فتوقفت نسبة القبول عند 89.07 وكان عدد المقاعد 31 مقعد.
دفعة 1437توقفت النسبة الثلاثية الموزونة للطلاب 88.22 وكان عدد المقاعد 70 مقعد
أما بالنسبة للطالبات فتوقفت نسبة القبول عند 90.57 وعدد المقاعد 30 مقعد
وعدد المقاعد في نزول كل سنة يعني إحتمالية دفعة 1439 تكون 40 مقعد للطلاب
فترة القبول كان يتخللها الكثير من التوتر خصوصاً انه ما كنا فاهمين نظام القبول في جامعة الباحة , اللي هو القبول على شكل دفعات والترقية في كل دفعة
بأختصره لكم في كم سطر : نظام القبول في جامعة الباحة يعتمد على قبول النسب الثلاثية العليا ويتتالى القبول الى ان تصل للنسبة الثلاثية الأقل في آخر دفعة وتتم الترقية لمن لم يقبل في رغبته في الدفعات التي تليها حسب المقاعد الشاغره في كل تخصص (يعني يمكن تنقبل في الدفعة الأولى بس في رغبة مو رغبتك لكن تطمن كمل ملفك حتى لو مالحقت تخلص الكشف الطبي وأرسله للجامعة وإن شاء الله تجيك الترقية في الدفعات التالية)
أنتهت فترة القبول وأنقبل 50 طالب طب في دفعة 1438 جميعهم من أبناء المنطقة
بدأ الاسبوع الأول وقامت كلية الطب بدورها بإنشاء لقاء تعريفي لطلاب كلية الطب المستجدين فقط وبدأ اللقاء بكلمة من الدكتور عصام ماضي وكيل الكلية للجودة والتطوير وكلمة من عميد كلية الطب الدكتور علي هندي
بعدها أخذونا للكشف الطبي المبسط وللمقابلة الشخصية مع العلم ان هذي الإجراءات ليس لها علاقة بالقبول فبمجرد وصولك لهذا اليوم فأنت تعتبر طالب طب رسمياً ويحطون نتائج المقابلة والكشف الطبي في ملفك فقط (لتفاصيل أكثر عن هذا المقابلة والكشف الرجاء التواصل عبر تويتر او الإيميل) , وبعدها اخذونا في جولة تعريفية في القاعات والمختبرات.
انتهى هذا اليوم بصورة جماعية وكلام تحفيزي من جميع الدكاترة وطلبو مننا نختار ليدر للدفعة.
الترم الأول
قبل نبدأ كل شي حاب أوضح لكم معنى كلمة مديول , في كلية الطب المواد تسمى مديولات أو بلوكات لأنك تاخذها في فترة معينة كأسبوع أو شهر وتنتقل للمادة اللي بعدها , والمديول تدرس فيه جميع المواد الطبية العامة كمثال: مديول الجهاز التنفسي تدرس فيه التشريح والظائف والكيمياء المتعلقة بهذا الجهاز وتخلص المديول وتنتقل للي بعده بس طبعاً ماراح تبدأ تخلص المديول بسرعة وتنتقل للي بعده إلا من السنة الثانية فالسنة الأولى المديول او المادة تبقى معاك لنهاية الترم.
بدأنا ندوام يوم الأحد 26\12 في الأسبوع الذي يلي اللقاء التعريفي كان جدولنا عبارة عن 4 مواد (12 ساعة)
English 21- المادة الأولى
:وكانت عدد ساعاتها 6 ساعات طلاب الكليات الصحية يبدأون من الكتاب الثاني بعكس طلاب التخصصات الثانية فهم يبدأون من الكتاب الأول ( الكتاب الاول يتعمق في الأساسيات مره كالحروف والكلمات البسيطة) لتفاصيل أكثر عن هذا الموضوع نرجو مراجعة تجربة شطر الطالبات لدفعة 1438.
2- المادة الثانية
:عليها ساعتين وكانت مهارات تقنية المعلومات ودراستها كانت بالعربي المادة سهله جداً ونص درجاتها عبارة عن عملي يعني حرام ماتجيب فيها A+
3- المادة الثالثة
: المهارات الطبية المهنية المديول كان بالانقلش ولازم تخلي في بالك أن دراسة المواد الطبية مايكون من كتاب محدد يعني اللي يشرحه الدكتور ويعرضه على البروجيكتر تحفظه وتفهمه وأمورك تمشي , الماده مو صعبه أبداً بس يبيلها مذاكرة أول بأول عشان تقدر تجيب ال A+وممكن الدكاترة يعطوكم أوراق للمحاضرات تذاكروا منها زي ماسوو معانا , المادة كانت عبارة عن 23 محاضرة فقط (لتفاصيل أكثر نرجو مراجعة تجربة شطر الطالبات).
4- المادة الرابعة
الإبتكارات في الطب وكان المديول بالإنقلش مثل المهارات الطبية وتعتبر ذي المادتين تخصصيه وأيضاً تعتبر باب قوي للدخول في الطب والمصطلحات الطبية الاساسية الماده سهله جداً جداً للي يذاكر ويحفظ المحاضرات أول بأول كنا ندرس فيها بعض الاجهزة الطبية وبعض الابتكارات الطبية الجديدة وعدد محاضرات المديول 12 محاضرة فقط (لتفاصيل أكثر نرجو مراجعة تجربة شطر الطالبات).
الترم الثاني
يعتبر الترم الثاني هو بدايتك الحقيقية في الطب وهو يتكون من 4 مواد عامة ومديول البريميد pre-med حاول في هذا الترم تكتشف الطريقة المناسبة لك في مذاكرة المواد الطبية .
مقرر اللغة الانجليزية General English
عدد الساعات : 2
مقرر الانجليزي التخصصيEnglish in Medicine
عدد الساعات : 2
أكثر مادة من المواد العامة بتستفيد منها عبارة عن 6 وحدات الوحدتين الاولى تتكلم عن كيف تبدأ محادثة مع المريض وكيف تاخذ التاريخ المرضي للمريض الثالثة عن فحص المريض الرابعة والخامسة فيها أجهزة و Special investigations السادسة كانت عن كيف تسوي تشخيص وتناقشة مع المريض إختبارها النهائي كان من 60 واغلبه MCQs .
الثقافة الصحية Health literacy
عدد الساعات : 1
مادة بسيطة جدا تتكلم في مواضيع عامة مثل السمنة ومرض السكر وهلم جرا , طبعا بيعطونكم مذكرة فيها كل الدروس وبالعربي , الإختبار النهائي كان من 60 وكان كله إختيارات وصح وخطأ.
مهارات كتابة البحث والمقال Research writing skills
مادة حرفيا ماراح تنفعك لا في المستقبل القريب ولا البعيد تتكلم عن كيف تختار موضوع البحث وخطوات كتابة البحث ومهارات الباحث , الكتاب المقرر في هذي المادة يختلف من دكتور الى دكتور بس دكتورنا طلب مننا كتاب اسمه مقدمة في مهارات كتابة البحث والمقال تأليف مجموعة دكاترة في جامعة الباحة , مشكلة المادة ان مالها اي علاقة في كتابة البحث الطبي او بالمجال الطبي بشكل عام , الإختبار النهائي كان من 60 و كان جدا بسيط.
العلوم الطبية المتكاملة Pre-Med
قبل ما ابدا اتكلم عن البريميد لابد اني اوضح بعض الأشياء اللي من الضروري تكون عارفها :
1- (problem based learning )PBL: عبارة عن جلسات نقاش تكون في كل مديول طبي تناقش فيها مع الدكتور وأعضاء مجموعتك مشكلة يحددها الدكتور او حالة مرضية ويعطيك الدكتور سيناريو ينقسم ال PBLالى جلستين في الجلسة الاولى تشوفون المشكلة مع الدكتور وتحددون ال Objectives وبعدين تقسمونها بينكم ولازم يكون فيه ليدر لكل مجموعة , وبعدين في الجلسة الثانية تجيب حل للمشكلة ويقيمك الدكتور حل فعالية حلك ومن وين جبته بعد وأيضا لغتك الإنجليزية في الحوار ترفع درجتك , كل جلسة PBLعليها درجتين ونصف يعني ال PBL الواحد عليه خمسة درجات حاول انك ما تضيعها .
3- Seminar : عبارة عن presentation تسوية انت ومجموعتك ويحضر السمنار دكتورين او ثلاثة يقييمون السمنار ومعايير التقييم تكون على اللبس الوقفة الطلاقة في الكلام مواجهه الجمهور و السلايدات لابد ما تكون محشوة معلومات كلها و أيضا مصدر المعلومات .
المديول يحتوي على 4 مواد رئيسية يعني بتدرس هذي الاربع مواد كمادة وحدة وتختبر فيها عملي ونظري اختبار واحد المواد هي : كيمياء حيوية , فيزياء طبية , أحياء , ومصطلحات طبية .
المديول هذا يعد الاطول في كلية الطب عليه 9 ساعات يعني لازم تصب كل تركيزك عليه ما اقول انه صعب او سهل ولكن يحتاج له إجتهاد فقط وصدقني بتاخذ ال A+بالراحة .
تقسيم المواد كالتالي :
كيمياء حيوية Biochemistry
أجمل مادة مع الدكتور عاطف منسق المديول وبروف محمد فاروق في اول اسبوع بيطلبون منكم تسوون سمنارات عن المجموعات الوظيفية في الكيمياء العضوية وطبعا ما عليها درجات فحاول تستغلها في انك تطور مهارات مقابلة الجمهور عندك . طبعا في المادة هذي درسنا ال Biomolecules اللي هي proteins ,lipids, carbohydrates, nucleic acid وكانت المحاضرات ممتعة جدًا بالنسبة لمحاضرات العملي كانت عن اختبارات لكشف ال Biomolecules وكلها بسيطة .
الأحياء Biology
الفيزياء الطبية Biophysics
هذه المادة أيضا ما راح تمر عليك بعدين بس والله ممتعة جدا وبتعطيك نظرة عن تخصصات ال Radiologyو ophthalmology, فيها معادلات وقوانين اغلبها من الثانوية يعني ان شاء الله ما راح تواجه فيها اي صعوبة.
المصطلحات الطبية Terminology
أغلب الأسئلة المقالية في الميدتيرمز و النهائي تجي من التيرمنولوجي فركز عليها و دائما تكون سهلة ومباشرة , المادة تتكون من 6 محاضرات فقط يعني سهلة إن شاء الله .
نصيحتي لك
نظم وقتك في هذا الترم فصدقني معدلك في السنوات الجاية يعتمد على هذا الترم
صاحب دائما اللي أفضل منك , انتبه تتأثر بالإشاعات بين الطلاب بأن الدكاترة يصعبون الأسئلة او ان الدكتور الفلاني يتعمد يخصم وركز على دراستك فقط
And remember that the darkest hour is just before the dawn
مراجع ال Pre-med: اضغط على اسم المادة
ختاما
هنا بعض الأسئلة مع الإجابات التي كانت تؤرقني انا واصحابي بخصوص نظام الكلية وطرق التدريس :
- وين راح اداوم في الترم الاول والثاني ؟
الدوام في الترم الأول بالنسبة لشطر الطلاب يكون في مبنى السنة التحضيرية وفي الترم الثاني بعض الأيام تكون في مبنى السنة التحضيرية وبعض الأيام في كلية الطب .
- متى راح البس ال سكربز و اللاب كوت و أي لون ناخذ ؟
تبدأ تداوم بالسكربز واللاب كوت مع بداية الترم الثاني واللون لازم يكون موحد فكل الدفعة تكون بلون واحد .
- ما هو نظام الرسوب في كلية الطب ؟
نظام الرسوب : إذا رسبت في مديول ما تروح للمديول اللي بعده حتى تجتاز اللي رسبت فيه يعني لو رسبت في البريميد بتعيد سنة كاملة وتاخذه مع الدفعة اللي بعدك , وتذكر ان الفشل ليس سوى فرصة لتجربة طريق آخر .
-تمت-
زياد سعد الحارثي @ziyaad1902
أحمد اليحيى الغامدي _v77a@
